Ministri bilong Aipas Meri

Planti wankantri bilong yumi ol save amamas long putim yau long wanpela pastor meri, nem bilong em Joyce Meyer. Tasol mi yet mi no amamas long harim ol toktok bilong em. Ating sapos ol man i klia long toktok bilong rait holi, bai ol no inap westim taim na mani long Joyce Meyer.

Meyer i go pas long wanpela ministri i gat nem bilong em yet, olsem Joyce Meyer Ministries. Long dispela tasol, bai yu lukim samting i no stret. Bilong wanem yu mas kolim nem bilong wanpela lotu long nem bilong man o meri i go pas long em? God i tok wanem long nem bilong kongrigesen bilong Em? Long 2 Chronicles 7:14 -

If my people, which are called by my name, shall humble themselves, and pray, and seek my face, and turn from their wicked ways; then will I hear from heaven, and will forgive their sin, and will heal their land.

Nem bilong kongrigesen i save bihainim wanem? Nem bilong papa bilong em. Olsem na sapos wanpela lotu lain em i bilong God, nem bilong em i olsem wanem? God yet i tok long Isaiah 43:7 -

[Even] every one that is called by my name: for I have created him for my glory, I have formed him; yea, I have made him.

Sapos tru tru God yet bin wokim o sanapim wanpela kongrigesen, em gat nem bilong husat? Em gat nem bilong God stret! Olsem na sapos ol kolim nem bilong lotu bilong em long nem bilong pastor o sampela man o meri, dispela lotu i bilong God o nogat? Nogat stret!

Olsem wanem nau long Joyce Meyer Ministries? Yupela yet ken skelim long ol tok bilong Baibel. Nem bilong God i no stap insait long nem bilong ministri bilong Joyce Meyer. Long dispela tasol, wanpela man i gat stretpela tingting em bai no bihainim dispela kain lotu lain.

Na bai em no bihainim Joyce Meyer tu olsem lidameri! Bilong wanem? Long 1 Timoti 2:11-13 -

Larim ol meri i mas pasim maus wantaim olgeta pasin bilong stap aninit, taim em i kisim save.
Tasol mi no save larim wanpela meri i stap tisa o stap het bilong man, tasol em i mas pasim maus.
Long wanem God i wokim Adam pastaim na bihain Iv.

Em stap ples klia stret. Husat i go pas na stap het bilong grip bilong Joyce Meyer? Em tasol. I no narapela. Tasol dispela i agensim laik bilong God olsem Pol i tok. God i no laikim meri i go pas long lotu.

Yumi no daunim nem bilong meri. Tru ol meri ken go pas long planti ol narapela samting. Tasol long lotu, em noken go pas, long wanem God i tambuim olsem.

Sapos yumi laik bihainim laik bilong Bikpela, bai yumi joinim wanpela lotu olsem bilong Joyce Meyer a? Nogat tru! Kain ol lotu olsem bilong Meyer na Seven De Adventis tu we Ellen G. White i go pas olsem tisa bilong en na Joseph Kingal Ministries we meri bilong man i dai pinis i go pas long en, ol i no stap stretpela long ai bilong God, long wanem ol meri i go pas long ol.

Mi save long wanem as planti lain i save sindaun long lukim na harim Joyce Meyer long moningtaim tru. Sampela i save amamas long ol naispela toktok em i save mekim. Tasol dispela i no gutpela as tingting bilong bihainim wanpela pritsa. Bilong wanem? Yumi ken ritim long Romans 10:18 -

Long wanem, ol dispela kain man i no save mekim wok bilong Bikpela bilong yumi Jisas Kraist, nogat. Tasol ol i wok long helpim bel bilong ol yet. Na long naispela toktok na ol tok gris, ol i giamanim bel bilong ol man i no lukaut gut.

Na em tru olsem Meyer em wanpela giaman meri! Sapos yumi lukluk gut long stail bilong em, bai yumi lukim olsem em wok long giamanim ol man. Bilong wanem? Em save salim tok bilong God long mani. Ol DVD o CD bilong em, ol i gat tok bilong God insait long ol. Meyer wok long ritim o kolim ol Baibel ves insait long toktok bilong en. Tasol bai em askim ol manmeri long baim ol CD bilong en. Baibel tok wanem long dispela pasin? Long 2 Korin 2:17 -

Long wanem mipela i no stap olsem ol man bilong autim tok bilong God kranki bilong salim man. Tasol long ai bilong God, mipela i tok insait long Kraist long pasin i nogat giaman, na long pasin i kam long God tasol.

Na lukluk long Meyer yet. Em yet i no save bihainim skul bilong God long 1 Timoti 2:9 -

Olsem tasol, ol meri tu i mas bilasim ol yet long kain klos i save soim gutpela pasin, olsem klos i no save givim sem na i soim stretpela tingting. Ol i no ken tantanim gras bilong ol, o pasim gol o kiau bilong golip, o klos i dia tumas.

Olsem wanem bai yumi bihainim dispela kain pastor we em yet i no laik bihainim lo bilong God? Sapos yumi bihainim dispela kain lotu hetman o hetmeri, Kraist i tok long Matyu 15:14 -

Larim ol i stap. Ol i aipas na ol i save go paslain long ol aipas. Na sapos aipas i stiaim aipas man, tupela wantaim bai i pundaun long baret.

Yupela laik bihainim yet Joyce Meyer o? Yupela yet.

About these ads

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s