Lukaut long Ol Weldok!

Hamas taim insait long dispela yia we yumi ritim sampela ol kros namely long ol lain I go pas long sampela sios insait long kantri bilong yumi. Na em i no samting bilong yia 2013 tasol. Nogat. Planti yia i go pinis we ol dispela kain samting i bin kamap tu na sampela i no pinis yet olsem na ol stap yet inap nau.

Sapos yumi toktok long stretpela pasin insait long Buk Baibel, dispela kain stap bilong ol dispela ol sios i minim wanem? Long Jems 3:16,

Jas 3:16 For where envying and strife [is], there [is] confusion and every evil work.

Aposel Jems i tok olsem pasin nogut stap namel long ol dispela lain. Na tu ol paul nabaut. Dispela samting i kam long we? Yumi go bek wanpela ves.

Jas 3:15 This wisdom descendeth not from above, but [is] earthly, sensual, devilish.

Husat as bilong ol dispela kain pasin? Em man nogut satan! Nau olsem wanem bai ol dispela lotu lain tok olsem ol i bilong God sapos wok bilong satan stap namel long ol yet?

Olsem na yumi noken ting olsem wanpela lotu i bikpela olsem na em i bilong God stret. Nogat. Maski wanpela lotu em bikpela tru tasol pasin nogut i pulap insait long em, tru tru em i no bilong God!

Trupela Sios insait long Baibel i bin gat sampela trabel tu tasol ol dispela trabel i no bin bagarapim sindaun bilong Sios. Taim sampela tok pait o tok resis kirap, hariap tru bai ol aposel na ol elda stretim namel long ol yet. Tru tru yumi ken ritim olsem namel long ol aposel yet, olsem Pol na Pita, i bin gat sampela tok pait. Tasol nambawan, tupela i no bin tok baksait. Nambatu ol no bin kotim wanpela narapela long kot bilong ol haiden o ol lain i no memba bilong Sios.

Tasol long taim bilong yumi, taim ol hetman bilong ol sios i gat kros o bel hevi namel long ol yet, bai ol go long kot, we planti taim ol jas i no wanlotu bilong ol yet.

1Cor 6:5 I speak to your shame. Is it so, that there is not a wise man among you? no, not one that shall be able to judge between his brethren?
1Cor 6:6 But brother goeth to law with brother, and that before the unbelievers.
1Cor 6:7 Now therefore there is utterly a fault among you, because ye go to law one with another. Why do ye not rather take wrong? why do ye not rather [suffer yourselves to] be defrauded?

Bai yu tingting planti nau. Ating save bilong ol dispela jas bilong dispela graun em i winim save bilong ol dispela hetman lotu o? Olsem wanem ol i tok olsem save bilong ol i kam long God olsem na ol i kamap hetman, sapos ol no inap stretim hevi bilong ol yet? Na tu olsem wanem bai ol dispela hetman stretim ol memba bilong ol yet? Sapos mi yet memba bilong ol, bai mi lusim ol, long wanem ol i no gat save tru i kam long God.

Olsem na yumi ken lukim planti sios nau we klostu olgeta memba bilong ol i no gat trupela pasin Kristen. Ol hetman bilong ol i no save bihainim tok tru bilong God stap insait long Baibel! Ol i no wankain olsem Bikpela Jisas Kraist na ol aposel we ol bin soim gutpela piksa ol memba ken bihainim.

Planti lotu hetman nau ol i save tingim interes bilong ol yet olsem na ol laik holimpas paws na namba long ol yet.

Yumi ol Papua Niugini tarangu! Ol pukpuk stap long gavman na ol weldok stap long lotu!

Mt 7:15 Beware of false prophets, which come to you in sheep’s clothing, but inwardly they are ravening wolves.


Leave a Reply

Fill in your details below or click an icon to log in: Logo

You are commenting using your account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )


Connecting to %s